Джазыу бизни хош кёре,
Сени этди баш тёре,
Аллахны еюйген къулу —
Генерал Абрек улу!

Къургъакъ сёзню айтмагъан,
Керти сёзден къайтмагъан,
Тюзге тюз-дей, терсге — тере...
Биз алабыз сенден дере.

Сабырлыкъгъа юретген,
Джюреклени нюр этген,
Адеб, намые сакълагъан,
Онгсузланы джакълагъан!

Джюрек кючюнг — тулпар нарт!
Сен боласа къартха къарт,
Керек болса, джашха — джаш...
Сен болуб тур хаман баш!

Сыйлай билдинг хапкъынгы,
Излемейин хакъынгы,
Халкъдан алдынг «ашхы» ат,
Бол Аллахха аманат!

Къууан сабийлерингден,
Юй бийченгден, юйюнгден!
Джарсыу кёрмей, сау-эсен,
Джюз джылланы джаша сен!

Айтыл халкъда алгъышда,
Тобугъунга ныгъышда
Олтурт туудукъларынгы,
Айта джюрек сырынгы!

Акъ сакъаллы бир къарт бол!
Туудукълагъа кёргюз джол!
Джамагъатха оноу эт,
Устазыбыз — Магомет!

Тёрюнг хазырд хар джерде!
Сен аурума ёмюрде!
Этген муратынга джет,
Байрагъыбыз — Магомет!

Джюз джыл толгъан кюнюнгде,
Барыб сени юйюнгде,
Къууанчынгы этейик,
Анга эсен джетейик!

1996 дж.