Ай суратынгы алыб къарасанг а, Ала,
Булбул джырлайд санга тюз къатыб,
Чыракъ керек болмайд джашагъан элинге.
Бетинг турад кюнча джарытыб.

Эки джаягъынгдан ургъан джарыкъ кюнден.
Ала, метр бузла эрийле,
Сеннге ушайдыла, мен сынаб къарайма,
Терекледе татлы балийле.

Кюле, ойнай гокка кёзлеринг,
Къашларынг да къара къундузча,
Чачынг табанынгдан тогъуз къат эшилиб,
Мангылайынг джаннган джулдузча.

Алтын кекелинг, чиллеча башынг,
Кече толгъан айгъа ушайса,
Джумарыкъ тауукъ кюндюз ариулугъунг,
Джюрегими джауун ашайса.

Колхозда малчыса, хар ишде алчыса,
Байлыкъ бизникиди, саначы,
Мен да сабанчыма, сенича алчыма,
Тенгликге базама, сыначы.

Тансыкълаб къарайма, кёбле сукъланалла
Экибиз джашагъан къапакъгъа,
Санга ушатыб мен айтама,
Ала, Акъсууда ала чабакъгъа.

Керти ушагъанынг — кёксюл кёгюрчюн,
Уча бар да бизге къайтсанг а,
Джюрегиме сенсиз джашау къыйынды
Акъылынгы манга айтсанг а.

Мени акъылым а былайды, Ала,
Тынгыласанг айтыб берейим,
Биз урунуб бирге джашарча
Сени арбазымда кёрейим.