Таукъаным таугъа кетгенди,
Ол анда кийик ёлтюрюр,
Муссаны джаны эсен болса,
Таукъанны бизге келтирир.

Таукъаным кетиб барады
Тау кийиклени мараргъа,
Апсатыны алыб барлыкъма
Таукъанны аллына къараргъа.

Таукъаным таугъа кетгенди,
Джибек джаяйым джолуна,
Мен бир къыйынлы джан эдим
Эсен келгеед къолума.

Мени аягъымда чурукъла,
Аланы табанлары мийикди.
Ариу Таукъанны эки мыйыгъы
Окъа халыла кибикди.

Къагъытчыны кёрсенг — къалам де,
Таукъанны кёрсенг —салам де,
Ол саламынгы алмаса,
Папион ачханг харам де.

Аллыбыз сууну кёпюрю —
Минсем ол мени кёлтюрюр.
Ах, эркинликсиз къачыб кетгенни
Атасы джаулаб ёлтюрюр.

Джанынга такъгъан бычакъны бауу,
Ол окъа къатыш чилледен.
Джаныма къайгъыны сайлаб алгъанм;
Бу акъ къанджалбаш юйледен.

Ариу Таукъаным, къайдан келесе,
Сал къолларынгы къойнума,
Кесим сайлаб алгъан боюнлукъ
Таб джарашады бойнунга.

Башынга кийген бёркчюгюнг,
Ол къара бухар, кёктёббе
Кесим ючюн айтмаз эдим,
Ауруу джайгъанса бек кёбге.