Ой, атам-анам, мен малчы болгъанма,
Кавказ таулада джайлайма
Тамам эригиб энишге къарасам,
Джыр бла джюрек байлайма.

Эриге тебресем мен тутуб минеме
Джанымдан сюйген тору атха,
Джюрегим урад, санларым тохтамайд,
Сагъыш этеме бир затха.

Мен тору атха джерими салгъанма,
Салыб минеме башындан.
Бир ариучукъну мен сюйюб къойгъанма
Ол эки къара къашындан.

Эх, ашар ашынг сыйлы хант болсун,
Киер кийиминг кёб болсун.
Ийнарчыкъларымы мен айта турама
Айтыр кюнюбюз кёб болсун.