Джайгъы Къобанча къобхан заманнны
Толкъунларында чулгъана,
Тазалыкъ, кирлик да барады бирге,
Бирча бояугъа булгъана.

Кёзлери сау да джукъ кёрелмейди,
Не айыб сора сокъургъа?
Аман, иги да боза бетлиди,
Мадар джокъ джолну окъургъа.

Сыйыналмайын джагъадан чыкъгъан,
Биреуге бущуу элтеди,
Неуа, ол кеси бир кёлчюк болуб,
Джокъ болады да кетеди.

Джагъадан чыкъмай алгъа баралгъан,
Ол джетер мурат тенгизге.
Мурат насыбды, насыб къайдады?
Белгисизд алкъын ол бизге.

Заман сюзюлсе, кирлик тюб болур,
Тазалыкъ къалкъыр башына.
Биринчи толкъунда баргъанны джолу
Къыблама болур джашына!

1985 дж.