Кюрешелле итле орамда юрюшюб,
Къарыусуз кёрген атча юркеди эсим.
Сынчыкълай башласа джюрекни джюрюшю,
Джетиученди къайгъы да сакълатмай кесин.

Эсиме келдиле ол калак джылларым,
Юйсюзлюк, итлегеча, танышды манга.
Къарачай шахарны ол къысха джолларын
Атламла бла санаб да чыкъгъанма тангнга.

Мен алай изледим тюзлюкню гюнахсыз,
Халкъымы къууанчын кесекчик да кердим...
Хорланнган юзюкню джырчысы да джакъсыз
Болгъанын мен къалай кечигиб эсгердим.

Джыл-джылдан бекден-бек къатылгъанча къышла
Кёрюнелле манга, сууута ангымы.
Заманны асхатхан, къаратон сагъышла,
Сиз нечик узайтасыз атар тангымы!..

1985 дж.