Тели джаш кибик, кесим кесим бла
Ушакъ этгенден мен къандым!
Кёб ойнамайым таза сезим бла! —-
Дедим да, джолгъа атландым.

Санга победим. Тебед джюрегим.
Сен дуу джанаса омакъдан!
Сёз айталмайды аууз кибигим,
Толгъанча къууут джуммакъдан.

«Да мен да хуна тешикден чыгъыб
Келмейме!» — дедим ичимден.
Тартынчакълыкъны сюймеклик джыгъыб,
«Сени сюеме!»—дедим мен.

«Сюеме» сёзюнг артха туракълаб,
Мутхуз болгъанды ушагъым.
Тутулгъан кюнню чыгъарын сакълаб
Тургъаннга бюпон ушадым.

Джелкеми къашыб, ичимден шашыб,
«Джёрме» атадым атынга!
Киштикча марай, ызыма къарай,
Кетдим, келмем, — дей, — къатынга.

1976 дж.