Сукъланмай эдим,
Зарлаимай эдим
Дунияда чырт бир инсаннга.
Сени сюйгенли,
Сюйюб кюйгенли,
Кетгенме тамам аманнга.

Бир къайгъы сагъыш
Айтханча къаргъыш,
Кемиред хаман эсими...
Базманлыкъ этер
Меннге, джигит эр
Джокъ!— деб, тыяма кесими.

Кюндеш табалмай,
Нанынг болалмай,
Миннгенча къызгъан табагъа,
Юй башха къонуб,
Кёзлерим толуб,
Къарайма сизни табагъа.

Келеди кече...
Джукъугъа кёче,
Мутхуз болгъанды тийрегиз.
Къоюб тёзгенин,
Тёртгюл кёзлерин
Терк къысды сизни юйюгюз.

Бек сукъланама,
Бек зарланама,
Олду кюйдюрген, къууургъан -
Ол акъ бетинге,
Ол акъ этинге
Тийиучю худжу джууургъан!

1979 дж.