Тенглерим тул-тубан, Аллахха шукур!
Анамы келини, тирил, ёрге тур!
Къонакъла келдиле Америкадан.
Турциядан, Сириядан эмда Германдан.

Ойрасы:
Тюлме пан, тюлме хан, не уа тюрк солтан,
Айыбсыз тюберге келмейди къолдан.
Джырымы махтаучу бай тенгле къайда?!
Мамматлыкъ, ол адет шам Къарачайда!

Юйдеги чабышад, къонакъ ашырад,
Тышындан ышарад, ичинден шашад,
«Юйюнгю биринчи толтур, — дейд, — хантдан,
Сен артда толтур, — дейд, — сыйлы къонакъдан!»

Ойрасы:
Тюлме пан, тюме хан, неуа тюрк солтан,
Кёб ачха этерге келмейди къолдан,
Бизнес бла джыр джазгъан къыйынд бир джаннга!
Мен ёге уланма ма бу заманнга!

Сабийле: «Балийле, чайырла...» — дейле,
«Баунти», «Марс», «Сникерс», «Твикс»... бир
кёб излейле, Юйюмю артында — хане кесген бачха!
Мен ёнгкюч алыргъа излейме ачха.

Ойрасы:
Тюлме пан, тюлме хан, неуа тюрк солтан,
Арыгъан бир джырчы мен Ёзденладан.
Ассалам алейкум, кел юйге, къонакъ!
Кёрсенг да джарлыракъ, кёлюм санга акъ!

1992 дж.