Ючюнчюсю – ийнаныу
Аны жазмаларына,
Жюз тёрт китап бергенди
Хакъ файгъамбарларына.

Тёртюсю – уллу Китап,
Жюзюсю – жюз чапыракъ.
Бары да Аллахданды,
Барысы да бирча хакъ.

Тёртюсюнден Тауратны
Муса халимге ийди,
Забур деген китабы
Дауут набийге тийди.

Инжилни Аллах берди
Иса файгъамбарына.
«Къуран тийишли», – деди
Мухаммат мухтарына.

Жюз чапыракъдан ону –
Адам атагъа жетди.
Эллиси бла да аны
Жашы Шис амал этди.

Андан отуз чапырагъын
Идирис файгъамбар алды.
Онусу да Ибрахим
Халилуллахха къалды.

Хар юмметге ажал бар,
Ажал жетген – кетгенди,
Хар ким китабы бла
Кеси амал этгенди.

Биз – ахырзаман юммет,
Барды бизге да ажал.
Ары дери уа Къуран
Этдирир бизге амал.

Ажалыбыз жетгенлей,
Къуран да кетерикди.
Андан сора, мычымай,
Къыямат жетерикди.