А, Къарашауай, ма, Гемуда алаша!
Нартланы чаришлерине бардыла.
Къарашауай, барып, Ёрюзмекден тилейди:
— Аурууунгу алайым а, къорунг болайым,
5 Мени да чаришге къошсанга,— дейди.
— Ой, ала кетгенли юч кюн болады,
Да акъсакъ ат бла уа сен не этериксе?
— Да, артларын кёре уа барырма,— дейди,—
Да, артларын кёре мен да келирме,
10 Бир да болмаса уа, бир кёлек тюшер а.
— Ой, ол кёлекни мен берирме уа.
— Тилеп сенден а барыргъа сюеме!
Ой, Къарашауай а кетгенди, маржа,
Чаришчиле бери айланыргъа уа ары жетгенди,
15 Экинчи кюн андан ызларындан тебиреди уа.
Гемуда алаша сюрюп келед да.
Биринчи — Ёречыкъауланы уа бир акъ атлы келет да.
Ныгъышда нартла уа къарап туралла.
— Еречыкъауланы акъ атлы келликди бек алгъа,— дейди Ёрюзмек,—
20 Ай, Ёречыкъауланы акъ ат а аз озат,— дейди.
— Муну аякъ тауушу уа башхады, маржа,— деп,
Бир сокъур къарт Ёрюзмекге,—
Ёречыкъауланы акъ атлы уа болмаз,— дейди.
Гемуда жетгенин оза, жетгенин оза,
25 Гемуда алаша алгъа чыкъгъанд да,
Къарашауай Ёречыкъауланы акъ атны сермеп а бойнуна алгъанд да,
Алай келип а ныгъышха атханд да.
Ай, Гемуда алаша, ай, да, Къарашауай!