 |
Семенланы Сымаил (Исмаил, Джырчы Сымаил) - Назмула |
Щайтан джел бургъан зыгьыр кесеклей
Бурулдум,
Таш тирмен эзген нартюх бюртюклей
Ууулдум.
Джан къоркъуу эте уруш тюзде да
Сытылдым,
Тёрде да болдум, эшик артха да
Къысылдым.
Узакъ ёмюрде кёб затха болдум мен
Шагъат,
Энди айтайым, сайта миллетим,
Керти зат:
Шам Къарачайны кёпонден таза
Кёрмедим,
Къарачай деген сёзден сыйлы сёз
Эшитмедим.
Олду бу джерни киндиги,
Ара белгиси,
Олду дуниягъа бизни талпытхан
Тёреси...
Къарачай деген къан бла кирген
Джан кибик,
Аны сезмеген сау ёмюрде
Сал кибик.
| 
