Мени адамларым алай къаргъайла
Сен муратынга джетме деб,
Мени къарнашларым алай тилейле
Сен бизни мыдах зтме деб.

Не къаргъасала да, не тилеселе да
Мен муратыма джетерме.
Харам этселе да мени адамларым
Бууунундан тутуб кетерме.

Башха мадарымы мен да тауусханма,
Туурангдан къараб турмасам,
Сени бууунларынг арыгъан болурла
Рулюнгу кесим бурмасам.

Къалгъан машиналадан башха тюрлюдю
Сени машинангы тауушу,
Ой дорогой, бир къыйын болгъанды
Сизни элигизни ауушу.

Джангур джаугъанлай бир бек къоркъам
Сени машинанг батад деб,
Кече кёзюме джукъу кирмейди
Аман бла тангы атад деб.

Ауруулу этиб къоярыкъ болур
Ол газикни букъусу,
Кече да, кюн да ол ишлейди дейле
Келмейди аны джукъусу.

Ий мени кибик киши болурму
Бир тутхан иши онгмагъан,
Менича кесине азаб алады
Башында акъылы болмагъан.