Туурагъыз кёпюрден кючден ётеме
Эсиме тюшген кёзюуде,
Тауушун эштсем, джюрегим тёзмейди,
Галя къошулмасын эжиуге.

Джюрюген джерде къумгъа тюшеди,
Галяны аякъ ызлары,
Мени къызыма джеталлыкъ тюлле
Бютеу Пахта-Аралны къызлары.

Ишни аллындан бир таб башладыкъ,
Энди сорушмасын артына,
Кюеуюгюз болуб сизге мен бир барсам,
Джууукъларыгъыздан тартына.

Джерде джюрюсенг букъу къонады,
Самолет бла учарбыз,
Зенитка табыб ураллыкъ болмаз,
Ансаргъа сормай къачарбыз.

Къараб кёргенни санларын ойгъан
Къашларынг бла кёзлеринг,
Тынгылаб эштгенни джюрегин ойгъан
Андан да бытдыр сёзлеринг.

Гитче Ташкентде къысыб джюрюрча,
Алтын кямарчыкъ аллыкъма,
Индеклени сууун мындан кёб ичмечи,
Къабыргъадан крант саллыкъма.

Гитче Ташкентде салыб джюрюрча,
Алтын таракъчыкъ аллыкъма,
Эртде этеринги кечге къойма, Галя,
Ауруулу болуб къаллыкъма.

Сени юсюнгдеги кийген чепкенинг,
Акъ бла къызыл сызладан,
Джашау джёнгерге сени сайлагъанма.
Бютеу Пахта-Аралда къызладан.