Къарачай халкъны эл берген джомакълары Окъуу-бйлим бла окъуу керекле

605.
Бир затым барды да:
Ат болуб да-чабады,
Къуш болуб да учады.
(Билим.)

606.
Битиб чыгъады шахардан,
Ичи толуду хапардан.
(Газет.)

607.
Акъ къарда — къара сокъмакъ.
(Джазыу.)

608.
Акъ ташда — къара джолчукъ.
(Джазыу.)

609.
Бир къаладжюк бла
Беш ёгюз сабан сюредиле,
Джерлери — чыммакъ,
Урлукълары — къап-къара,
Ол урлукъну ним чачса,
Ол акъыллы бола.
(Джазыу.)

610.
Къол бла джайыла,
Кёз бла джыйыла.
(Джазыу.)

611.
Беш ёгюз бла биреулен сабан сюре,
Аны сюрген урлугъун да эта биле.
(Къагъыт джазгъан)

612.
Дунияны бачхычы,
Кёклени ачхычы.
(Илму.)

613.
Мени барды бир къызым –
Къат-къат чедкен киеди,
Ол къызымы дунияда
Хар бир инсан сюеди.
(Китаб.)

614.
Таууш этмей сёлешген,
Халкъгъа акъыл юлешген
(Китаб.)

615.
Къалау-къалау тёшекле,
Аны билмеген — эшекле.
(Китабла.)

616.
Къабат-къабат не къабат —
Бир къушда ючджюз алтмыш беш къанат
(Календарь.)

617.
Кийим болуб кийилмеген,
Тюйме болуб тюйюльгеген,
Ёлсенг да — биргенге,
Ёлмесенг да — биргенге.
(Орузлама.)

618.
Ауузу джокъ,
Къолу джокъ,
Джыл къайтара.
(Орузлама.)

619.
Аягъым джокъ, къолум джокъ,
Чаба-джорта кетеме,
Онгум джокъ, солум джокъ,
Тёрт дуниягъа джетеме.
(Письмо.)

620.
Бир юйюм барды да,
Анга кирген джолоучу болады.
(Письмо ящик.)

621.
Джарыкъ юйге барыучу,
Акъыл-билим алыучу.
(Сохта.)

622.
Джюзле ауузуна къарагъан,
Ауузу халкъгъа джарагъан.
(Устаз.)

623.
Илму бла кюрешген,
Кюнде акъыл юлешген.
(Устаз.)

624.
Къозусу — къара,
Къою — акъ,
Сюрюу чюсю—джаншакъ.
(Харифле,къагъыт,окъугъич)

625.
Эл ичинде бир ана
Кеб сабийни сюеди,
Анга келиб киргеннге
Акъыл-билим береди.
(Школ.)