Гюнахдан къоркъгъанла бу къралда болсала,
Аллахдан ишексиз да алалла гюнах...
Ангыламай, кеси ёлюмге къол сала
Башлагъанчад халкъым, къаргъагъанча Аллах.

Ойрасы:
Тилибиз да бизге джау,
Динибиз да бизге джау,
Джерибиз да бизге джау,
Биз къалай джашайбыз сау
Джыртхыч къралны ичинде?!
Сейирсиииб ёлеме,
Амалсыздан кюлеме,
Зат келмейин кючюмден.

Бу джарты азатлыкъ берилиб тургъанлай,
Алыргъа да къоркъгъан къыйынлы миллетим!
Къысарыкъды, заман бир кесек озгъанлай,
Этерикди бу кърал биягъы адетин!..

Ойрасы.

Халкъымы ачыуу къабындаи чыгъаргъа
Башларыкъды... Аты айтылыр мурдаргъа...
Биягъы халкъымы къабына джыяргъа
Болурла. Кюч болмаз ачыуну тыяргъа!..

Ойрасы.

1990 дж.