|
Ёзденланы Альберт - Чолпан. |
Мухамматны сол чабырын тешдиле,
Мухамедни онг чабырын тешдиле,
Джалан болгъан аякъларын тутдула,
Зор-джол этиб, бир уюкъгъа сукъдула.
Имбашлары бир-бирине джетдиле,
Къаты байлаб ычхынмазча этдиле,
Имбашлагъа олтуртханча сабийни,
Олтуртдула уллукъуйрукъ Сарбийни.
Хут бла Найман разы болуб буйрукъгъа,
Аякъларын сугъуб бирер уюкъгъа,
Кенгурула кибик, чынгай кетдиле,
Ол бирлени къатларына джетдиле.
Атландыла джолгъа ма ол болумда,
Къолан байракъ — Сары-бийни къолунда,
Джел тюзетиб ачса аны «тахсасын»,
Окъулады — РЕСПУБЛИКА ДЖАШАСЫН!
1991 дж.
| 
amingysi09 
