Иш хапарны къояйыкъчы, тенгле, биз
Бир солуюкъ сагъыш этмей чырт джукъгъа!
Къайгъъшадан тазалансын эсибиз,
Алгъыш айта Джуртха, тенгнге, джууукъгъа!

Бюгюн, тенгле, ичибизден биз кюлмей,
Махтанчакъны, дюргенни да кечейик.
Бизни кемсиз сюйгенлерин биз билмей,
Джашаб тургъан джанла ючюн ичейик!

Сёз этмейин, тил этмейин бюгюн биз,
Кюнюбюзню бир сыйлы кюн этейик!
Бетсинеди деб уялмай бетибиз,
Хар адамны онглу джерин чертейик!

Хей, тамада, алгъыш сёз бер саугъагъа,
Тёзалмайма, кёлюм сёзден болуб токъ!
Джылы сёзню къызгъанмайыкъ саулагъа,
Ёлюб кетсек, джъшы сёзден джъшыу джокъ.

1989 дж.