Кетген кече бир сейирлик тюш кёрдюм,
Къушча учуб бара эди джашлыгъым,
Бек тансыкълаб, джеталсам — деб, кёб сюрдюм,
Уча эдим джел-джел эте башлыгъым.

Ойрасы:
Джеталмадым, джеталмадым мен аны,
Къайтарыргъа бармыд мадар заманны?

Алдагъанны алдагъанын билгенде,
Алдайса — деб, айталмагъан джашлыгъым!
Ол тазалыкъ джокъду бюгюн биргемде,
Алыб кетди къайталмагъан джашлыгъым.

Ойрасы.

Бюгюнлюкде тюшлерими джокълагъан,
Насыбы кёб, сагъышы аз джашлыгъым!
Джокъду къачхы булутда да сокъмагъы,
Келлик джаз бла да къайталмаз джашлыгъым.

Ойрасы.

1987 дж.