Ашхылагъа къошулургъа
Дыгалас этдим.
Кирелсем деб, мен окъургъа
Элимден кетдим.
Джазыу — артха, мен да алгъа
Кюрешдим тартыб...
Джырчыпыкъгъа кирдим джалгъа,
Джазыу арытыб.
Джаздан къачха, къачдан джазгъа
Дери назму джаз,
Джыр джазгъандан джерни къазгъан
Тынчды. Бетинг саз
Болуб кюреш этгенликге,
Хакъыш' кемсиз аз,
Ашарынга джетгенликге,
Кийим алдыртмаз.

Намысларын джойгъанлагъа
Болалмасанг тенг,
Тюзюн джазсанг, тойгъанлагъа
Джау боласа сен.
Алданмасанг учуз сыйы
Болгъан къармакъгъа,
Тёш бла чёгюч арасында
Къалгъан бармакъгъа
Ушаучанса. Кемсиз ачыб
Джыйырылыб сен,
Себеб табмай халкъдан, къачыб
Кетиб тебресенг,
Барлыкъ джолунг джангыз бирди —
Такъыр джангызлыкъ,
Андан аллыкъ джангыз джерди,
Къалсанг — сансызлыкъ.

Кёрден башха барын аулаб,
Барын сынадым,
Бир кюн джауларымы хорлаб,
Джарыкъ джырладым,
Болмагъанча джашауумда,
Кёлюм болду токъ,
Алай, бюгюн къууанчымда
Мени атам джокъ.
Джырлай келиб мен джырымы,
Джыламукъ тёкдюм,
Сагъъппымда мен атамы
Къатъша чёкдюм.
Айтдым анга: «Сюймей эсенг
Да джырларымы,
Таны, атам, тилейме, сен
Туудукъларынгы

Айтханыма сокъураныб,
Кеч! — деб, тиледим.
Къъш къобузну къолгъа алыб,
Джырлаб тебредим:
«Джюз джыл джаша, сыйлы атам,
Бушуу кёрмей, сен!
Сен сау болсанг, болмай хатам,
Джашарыкъма мен!
Къонакъларым харе да уруб,
Алгъыш айтдъша,
Атам ючюн ёрге туруб,
Чагъыр тартдъша.
Мени башым кёкге джетди!
Алгъышха ичдим.
Бюгюн джашлыкъ менден кетди —
Атамы кечдим!

1987 дж.