Хайт деб, джыллыгъынг келген,
Тыш къарамынг — бегеджен,
Ичинг зарлыкъдан ёлген,
Тилннг тамам автоген,
Сен булъдозерча бир зат —
Къайгъыланы Къайгъымат!

Хар джерге да чабыучу,
Фахмуланы табыучу,
Махтай келиб къабыучу,
Эшиклерин джабыучу,
Сенден джылайд халкъ санат —
Къайгъыланы Къайгъымат!

Джангы иише башлаучу,
Джарты джолда ташлаучу,
Хар кимни да сёпоучю,
Бедишлени тёпоучю,
Сенден джанлайд джамагъат, —
Къайгъыланы Къайгъымат!

Боюн кюч бла сый даулаб,
Сый бермегенни джаулаб,
Дауур-сюйюр этиучю,
Джумдурукъгъа джетиучю,
Сенден къачад джамагъат, —
Къайгъыланы Къайгъымат!

1987 дж.