|
Ёзденланы Альберт - Чолпан. |
Аскер заманым джетди тёртгюллеб.
Кесими бошму терилтдим?..
Къагъыт джазгъанма, тюбешейик—деб,
Иигирни сакълай эрикдим.
Келдим тёзалмай, сенден кёз алмай,
Ышарта келиб,кюлдюрдюм...
«Грамм сюймеклигинг болмай тургъаилай,
Кесими килограмм сюйдюрдюм».
Къууанчдан толдум, насыблы болдум,
«Кетеме,—дедим, —аскерге,
Сау-эсен болсам, мен къайтмай къалмам,
Сен сакълаб, кетмей тур эрге.»
Ай батханды да булут артына,
Кёралмазчады джукъну кёз...
Мен, къайтыргъа— деб, сен, сакъларгъа —деб,
Ант-кърал этдик, бердик сёз.
Булутдан чыгъыб ай нюрюн тёкдю,
Таш хуна нюрден терк толду,
Хунада, джууукъ къысыла келиб,
Эки кёлекке бир болду.
1976 дж.
|