Тини адамлыкъдан толгъан,
Керек кюнде дагъан болгъан,
Чамымы бек ангылагъан,
Тенгим — Чомаланы Азрет,
Къулагъынгы сен хазыр эт,
Ма бу джырны саугъа зтед
Сеннге бир арыгъан позт —
Ёзденланы сары Алъберт.

Чомаланы Азрет — пил джаш,
Болгъан эди банкга чынг баш,
Акъыл деген суу-саламед башында,
Субай саны — тау наратча,
Бет къарамы — суу-суратча,..
Сёз джокъ эди чырт Алийни джашъша.

Байлыкъ пени этдирмейди,
Не кюнлеге джетдирмейди,
Акъылынгы бура шайтан джелинде?!
Азрет машок бла ачханы
Терк кёлтюргенлейине, аны
Тайышханды омурауу белинде.

Омурау джилигинг юзюлсе,
Таб Рокфеллер болсанг да сен,
Джалгъамазла! Аллах, андан кери эт!
Джилигине заран джетиб,
Мыйысы бла связы кетиб,
Бир къуджурла ышарады Азрет.

Банкда ишин баджаралмай,
«Волъвасын» да джюрюталмай,
Ввынг-ввъшг-эте, бир тачканы теберед.
Алтын сом! — дейд багъыр шайгъа,
Кюмюш сом! — дейд толгъан айгъа,
Къолун созуб, ёрге-ёрге секиред.

Кесин этиб туруб деу пил,
Центробою кетген къарт ЗИЛ
Кибик, джанбаш болуб джюрюйд Азрет.
Хей, сылаучу — Лайпан улу,
Бир Аллахны сюйгеи къулу,
Сен Азретни сау этерге мадар эт!

1994 дж.