Нек болгъанса бюгюн салкъын? Нек болдунг мишау?
Алайсыз да бир сууукъду бу худжу джашау!
Кел, къояйыкъ, бу керексиз кёлкъалдыланы!
Кёл, джашайыкъ, мыдах этмей джакъсыз баланы!

Айтма, артда сокъуранныкъ еёзлеринги сен!
Ёпкелесенг, узакъ кетме, къайтырыкъ эсенг!
Узакъ кетиб, артха къайтхан, бир къыйынды ол,
Къышхы кюнде буз чауулгъа ушаучанды джол.

Не ётюрюк, не сатлыкъ иш джокъду арада.
«Тот бурхучукъ барды уруб чыкъгъан гарада!» —
Деб, биз аны чурум этиб, «ичмейбиз!» — десек,
Адамла къой, бизге Аллах чамланыр кесек!

Бир-бирине ёпкелемей, кимди джашагъан?
Джангылмагъан, бир Аллахха кимди ушагъан?!
Абыннганны сюрюндюрсенг, джыгъъшгъан этер...
Джыгъылгъанын унутмайды, айтмаса да, эр!

Мыдах тюшден уяннганча, ышар да къой сен!
Бир абыннган ташларымда, абынмазма мен!
Бош зат ючюн сууукъ болма, болма сен мишау,
Алайсыз да бир сууукъду хадауус джашау!

1986 дж.