Эчкибашланы да бир джигит туугъан Домалай,
Сен тура эдинг бу Нарсанада бий кибик,
Эртден бла да джылтыраб чыкъгъан кюн кибик,
Кетиб бараса бир кёмюр кибик, кюл кибик.
Нарсанада да бир ашай-иче тураенг,
Ай Гапполаны да бир Ойдур келди юсюнге,
Ах, мени джауум бир аман кёрсюн тюшюнде.
О кече санга салыб келген а
Гапполаны бу итден туугъан Ойдурду,
Чыгъара барды да къанлы тенглеге сойдурду,
Мени къанымдан гурноу Шахымны тойдурду.
Къарнына кирсин гурноу Шахымны къамасы,
Ой, джылай эди джарлы Домалайны анасы.
Акъ къунаджинни Басханнга элтиб сатдыла,
Алтын къамангы залогга салыб тартдыла,
Елген ёлюнгю Элкъуш раннга атдыла,
Елюгюнгю ышхылды ранда табдыла.
Ана къарнашынг бу Голаланы Басият,
Сен этеенг а ышхылды раннга осият.
Ана къарнашынг да сени Голаланы Наныды
Елюгюнгю да къубас чарыгъынгдан таныды.
Ой да кюкюрейди да ариу джашнайды
Ананг Мукъуятны да сохан бачхасы,
Сени джанынгы да эрлей огъуна алдырды
Кришанинни джыйырма тюмен ачхасы.
Аджир юлюшлени бир къара джерге джутдурпан,
Иелерине къуру къамчи сабны тутдургъан,
Ай тулпар туугъан Эчкибашланы Домалай.
Аджир юлюшлены къара джерге джашыргъан, ой,
Иелерине бир ариу айтыб ашыргъан, ой,
Эчкибаш улу бир джигит туугъан Домалай.