Уста джырлай билиучю,
Тюлкю кибик кюлюучю,
Алимлени сёгюучю,
Бедишлени тёгюучю,
Халкъны къандыргъан бир зат —
Чалбашланы Ачахмат!

Халкъны эки юлешген,
Сыйсыз сёзле сёлешген,
Излеб къайгъы табыучу,
Тюйюшюрге чабыучу,
Сенден къачад джамагъат,
Чалбашланы Ачахмат!

Халкъыбызны кёчюртген
Динсизлеге ушаб сен,
Къызыл байракъ кёлтюрюб,
Джаш адамча терк джюрюб,
Митинглеге баргъан къарт —
Чалбашланы Ачахмат!

Шам Къарачайгъа ата
Болама — деб, кёб хата
Саллыгъынга джокъ ишек!
Тюл эсенг кёкбаш эшек,
Сен миллетни къой рахат,
Чалбашланы Ачахмат!