|
Ёзденланы Альберт - Чолпан. |
Джулдузубуз батады деб къайгъырмадынг,
Ол насыб джаз кетгенинде, къыйналмадынг,
Ахырында, сюймеклик да кетди бизден,
Къайсыбызбыз энди уа терс экибизден?
Сен ышардынг, мъщах болуб кетгенимде,
Бир башханы джашау нёгер этгенингде,
Эсгермединг мени, энди уа чакъырма!
Сеннге айтырымы башхагъа айтырма...
Да билеме айтмазымы джюрегимден,
Алай а, мен ашыкъмайма джарыкъ кюнден
Айырылыб, джер тюбюне джол тутаргъа!
Къыйналсам да, керекме да мен джашаргъа!
Заман озду. Нек джылайса энди уа сен?
Не излейсе ташча къатхан джюрегимден?
Зийдан болгъанд сюймекликге джюрек къабым,
Тюбсюз кёлге быргъагъанма ачхычларын.
1978 дж.
|