Хош болмагъан кёзлеринге къарасам,
Ангыламай къарамынгы урумун,
Иги сёз бла не бир иш бла джарасам —
Деб, излемейме джарсыуунгу чурумун.

Джумушакъгъа онг бермеучю джашау джол,
Бирде къаты эте болур керексиз...
Хар затда да марда билген кимди ол?
Ол — Аллахды! Адамлабыз биз а, биз...

Кюрешсем да мен болургъа Аллахлы,
Болгъан болур ушаш кюнюм къанлынга.
Кееим билиб, бир кере да гюнахлы
Болгъан болмам, ариу, сени аллынгда?

Бек тилейме, мъщах болма керексиз,
Къатылыкъ бла да чыкъырма палахны.
Быллай кювде, юлгю алыр ючюн, биз
Эсибизге тюшюрейик Аллахны.

1997 дж.