Кёбден бери сенден хапар
Эшитмейме, джырчы —
Тансыкълайма ауазынгы,
Сени джанкъозлу джазынгы
Кёргюземе мен кёзюме,
(Айыб этме сен сёзюме)
Мен айтайым омакъ сёзсюз,
Фахмунг уллуд, уллуд сёзсюз!
Алай болгъанлыкъгъа, фахмунг
Болгъанд сени энчи къулунг,..
Ичиб, сен анга миннгенсе,
Кёб чабдырыб кюйдюргенсе.
«Халджар» таба къыста аны,
Чюйре тюгюн атсын саны,
Биягъынлай сыйдам болсун,
Кёкюреги джырдан толсун!
Къайтар сен сыйлы атынгы,
Кёргюз ариу джыр хатынгы,
Тау эллеге келед..! —
Деб айтсынла джашла хапар,
Чабышсынла сабийчикле,
Атынг атлы закийчикле,
Ала ючюн, Аллах ючюн,
Къой ичкини! Джетер кючюнг...
Нафысны санамай тюкге,
Сен Аллахны бер да джюкге,
Ант эт,.. — джырны ханы,
Къояргъа деб аракъыны!

1992 дж.