Мени ангыламайдыла,
Иги тышыламайдыла
Сёзюме! — деб, сен
Джюрегинги бек джарсытма,
«Джангыз терекме» деб, сытма,
Танырла, ёлсенг.

Ашъшарыкъ ангылайды,
Лохбайыракъ тынгылайды,
Сюймегенинг кёб...
Хей, къыйналма, сёзюнг окъду
Джауларынга! Бизде джокъду
Сен сыйъшыр кеб!

Бу къралда адет алайды —
Фахмулуланы талайды,
Фахмулу ёлсе,
Кеслерине сый излейле,
Терс ишлерин да тюзлейле...
Джюз джыл джаша сен!

Артларында къал аланы!
Ишле, джашнат джыр къалангы —
Эсгертменги сал!
Ана тилни къорлугъуса,
Сен тамбланы урлугъуса,
Назмучу Пилял!

1992 дж.