Кече ашхыайы бла,
Байтал ахшы тайы бла,
Жыл къууатлы жайы бла.

* * *

Ат танылыр жюрюшюнден,
Иги хоншу – юлюшюнден,
Эл бийи да – хар ишинден.

* * *

Халкъ танылыр ахшысындан,
Жер – гелеуден, алысындан,
Къол устасы – халысындан.

* * *

Ёгюз сыйлы бойну бла,
Ана сыйлы къойну бла,
Ата сыйлы жашы бла.

* * *

Ийнек сютю – тили бла,
Къызны нюрю – кюню бла,
Къой къумасы – жюню бла.

* * *

Чалгъы чаллыкъ – къалагъандан,
Къонакъ аллыкъ – къабагъындан,
Юй болаллыкъ – тургъанындан.

* * *

Жез алтын болмаз,
Алтын жапханлыкъгъа.
Кёз малдан тоймаз,
Артыкъ тапханлыкъгъа.

* * *

Намыс деген аз болду,-
Дуния малы баз болду.

* * *

Терен агъачны
Боран бюгалмаз,
Бирликни элге
Душман киралмаз.

* * *

Эгечден туугъан
Эрке да болур.
Намысдан туугъан,
Билсе да, сорур.

* * *

Накъут, налмас табылыр
Насып бла.
Насып, намсы табылмаз
Накъут бла.

* * *

Къанатлы къуш бийик учар,
Эрлиги бар къаты тутавр.
Халкъы ючюн къая бузар,
Къыйын кюн ол таугъа ушар.

* * *

Сюйгенин тапхан адамны
Насыплы болур къадары
Аны кёрмеген сокъурду,
Ариу текрекду бокъурду.

* * *

Кериуан жулдуз жол къоймаз,
Керахат малдан кёл тоймаз.

* * *

Жаш бармаз къартла
Ызлагъан ызны.
Эл да тыялмаз
Терилген къызны.
Ангылатыу сёзлюк