Тыш алтысындан бирин
Къоюп, ишге киришме.
Барын да тамам этмей,
Намаз къылып кюрешме.

Биринчи – тёнгегинги
Тазала хадасаддан,
Сакълан абдезсизликден,
Тазала жанабаддан.

Экинчи – нажас затны
Кетер, болса юсюнгде,
Не – болса намаз къыллыкъ
Жерингде не кесингде.

Ючюнчю – кийим кийип,
Ауратынгы жабарса,
Сен сау болсанг, Инша-Аллах,
Киер кийим табарса.

Эркегырыу аураты –
Киндигинден тобукъгъа.
Аны билип, бек сакъ бол
Шериатда жорукъгъа.

Юйюнде ншлеп жашаргъа
Эркин болмагъан тиши –
Эр киши хукмусунда,
Шериатдады иши.

Алай бир башхалыгъы –
Сыртын, къарнын да жабар,
Ала анга ауратды деп,
Китапда барды хапар.

Юйюнде ишлеп жашаргъа
Эркин болса тиширыу, –
Борчду бет, къол, аякъдан
Къалгъанын жабып туруу.

Тёртюнчю – беш намазны
Ууахтысын билмекди,
Хар ууахтысын билип,
Чагъында ийилмекди.

Бешинчи – сен аллынгы
Кааба болгъан жерге бур,
Олду хакъ къыбылабыз,
Анга ийнаннганлай тур.

Алтынчы уа – ниет эт,
Не къылгъанынгы ойлап.
Бир Аллахха къаст этип,
Жюрекни анга байлап.