Шубадина улу нарт Ёречыкъау нарт улусуду,
Нартла ичинде чынтды къарыулусуду.

Мыйыкъларын, гырмыклача, бургъанды,
Душманларын, элияча, ургъанды.

5 — Ох-ох, дедиле, ма сейир атлы,
Келеди бизге бир чынтды нарт.

Онг жанында кюн тийгенлей,
Сол жанында къоянла ойнай.

Къоянла дегенинг, шулай, не дейим —
10 Чилле къамичисини учу суду,

Кюн кёзю дегенинг — кийген кюбеси.
Атыны аллында алаша туман къайнай,

Туманла ичинде чаукала ойнай.
Туманла дегенинг, шулай, не дейим —

15 Бурун тешигинден чыкъгъан тылпыуду.
Чаукала дегенинг, шулай, не дейим —

Аягъындан чыкъгъан зылдыладыла.
— Кюнюпоз къолай болсун, ахшы нарт улулары!

— Сау бол, сау кел, ахшы жигит!
20 Темир ылытхынла салып, тюшюре тебиредиле —

Темир ылытхынланы бюгюп тюшеди.
Атын элте барып, темир таханнга такъдыла,

Ол темир таханны булгъап башлады.
— Ой, аманла, кючюнмю сынайсыз муну?!

25 Мужурамы уруп, анга тагъып къоюгъуз.
Кереклерин алып, чюйге такъдыла,

Зынгар-зунгур деп, жерге акъдыла.
— Къонакълыкъгъа не керекди? — дедиле.

Тогъузоулан нарт жылкъыгъа кетдиле.
30 Туу байталны тутуп ала жетдиле,

Союп, уллу дугосукга асдыла.
Ушхол къыйырын къоймай, ашап башлады,
Ашап бошап, белин бираз бошлады.

Токъсан улан юйге кетдиле,
35 Эки къулакълы къошун алып жетдиле.

Нарт къошунну, бирден тартып: «Ох-ох»,— деп, къаплап бергенди,
Тогъуз улан къуру къошунну сюйреп кетгендиле.

Ашап бошагъанлай, секирип атына мингнгенди,
Къонакъбай а атны башына илиннгенди:

40 — Энди сен ашадынг бир туу байталны,
Сора ичдинг токъсан улан келтирген къошунну.

Тюш, бир кесек селейсин ашагъанынг,
Санга жетер атха этген гюняхынг.

— Жерге жетер атны поняхы,— деди,
45 Къылычын суууруп: «Келмегиз,— деди,— къатыма!»

Ат юсюнде къала кибик кёрюндю,
Кёкге айланып, аузун ачып керилди.

Атын жыйып, тебиндирди таулагъа,
Къоркъуу салды ол жерледе жаулагъа.

50 Ёшюн уруп, ачханд къая тарланы,
Бурун жели эритгенди къарланы.

Ол къарладан черек суула агъадыла,
Кёк тенгизле ол суула бла толадыла.

Атны аякълары батды инчиклеге дери,
55 Ат чапханда зылдыла чыкъдыла кёкге дери.