Уян энди, тенгчигим,
Кюн тау башладан къарады,
Эрлай тур да сен кийин,
Заман озуб барады.

Санларынгы сен ойнат,
Джуу бетинги, къолунгу,
Школгъа заман озгъунчу,
Алай аша ашынгы.

Ашаб, ичиб бошасанг,
Бар школгъа окъургъа,
Хар не тюрлю джанындан,
Окъуб билим алыргъа.

Ичме тютюн, аракъы,
Бузма ариу къанынгы,
Кир ишлеге бошлама
Субай ёсген санынгы.

Хайда, мени тенгчигим,
Тут быланы эсингде,
Джарыкълыкъ ючюн сен кюреш
Хар бир тутхан ишингде.