Ынгкъылапха болсун табу,
Ол къурады жашау табын!
Эркин этди жерин, малын,
Бек сюебиз аны халын.

Ынгкъалапха болсун махтау,
Жокъду анга солуу, тохтау.
Къаяланы тешип, чачып,
Тау эллеге жолла ачып.

Ол этмеген неле къкалды,
Жарлы халкъым солуу алды!
Къарт жюрегим да жарыды,
Китпа, къалам да таныды.

Арсар болуп, кёп къыйналдым,
Не болур деп, кюйдю жаным.
Къан тёгюлмей зорлукъ кетмез,
Энди аны ангыладым.

Монглукъ келди элибизге,
Тынчайыулукъ – белибизге!
Алырсыз деп эсигизге
Осуят этеме сизге:

Коммунистлик ариу ишди,
Шартын билип жюрютгеннге.
Аны туталмагъан ушар
Этни тузсуз чиритгеннге!

1938