Къарачай халкъны эл берген джомакълары Урунуу

94.
Махарда - отун томурула,
Джонгурчхасы бери тюше. (Къарачай ёзен.)

а)Сыртда отун томурула,
Джонгурчхасы тюзге тюше. (Схауат ёзен.)

б)Шамда-Шахда отун томурула,
Джонгурчхасы юйюбюзге келе. (Къарачай ёзен.)
(Баш джюлюген.)

95.
Биреу «хах» эте,
Тийре «харх» эте.
(Кюеу томрауну джаргъан.)

96.Халкъ ауузун ача,
Биреу берекет чача.
(Шапа.)

97.
Уллу тюзде къар джауар.

а)Гитче юйчюкде къар джауар.
Гитче тейри къар джауар.
(Элек ,бла ун элеген.)

98.
Бир джамчым барды да:
Аны сюймеген да джокъду,
Аны тешмеген да джокъду.
(Къуллукъ.)

99.
Къолунда болмагъан да джокъду
Къолунда къалгъан да джокъду.
(Тюкенчи.)