Къарачай халкъны эл берген джомакълары Урунуу

109.
Биринчиси къуяды,
Экинчиси джутады,
Ючюнчюсго чыгъады,
Тёртгончюсю джыяды.
(Джангур,джер,кырдык,адам.)

110.
Чалкъы ызда - къызылкёз теке.
(Акъсакъал.)

111.
Бычакъ алмай, балта алмай,
Тёп-тёгерек юй ишледим.
(Гапна.)

112.
Чегет къырылды да, тау болду.
(Гебен.)

113.
Бир къызым барды да,
Эшмелерин атмай ёлмейди.
(Гебен.)

114.
Бир къызым барды да,
Эшмелери бла джюк кёлтюреди.
(Гебен, гырмык ташла.)

115.
Джыйын къырылыб джата,
Сыртлары кюннге къата.
(Дюрюле.)

116.
Минг къарнашны - бир белибауу.
(Кюлте бла бауу.)

117.
Къыш - бауда, джаз - сабанда.
(Мешхут.)

118.
Кёк байталгъа минеме,
Акъ джылкъыны сгореме.
(Оракъ бла сабан оргъан.)

119.
Хос-хос хосталай,
Хосталайда - мысталай.
(Силос.)

120.
Тюзде ат чабды да,
Аякъ ызы къалды.
(Тракторну баразасы.)

121.
Къула тюзде - кюлаякъ.
(Бачха къаранчха.)

122.
Бир атсам – он алама,
Он атсам – минг алама.
(Урлукъ.)

123.
Не керилеме, не керилеме,
Чегетни саулай къыралмайма.
(Чалкъычы.)