Чынты нги бардырыргъа тойланы,
Къызгъанмайын биз кесебиз къойланы.
Махтанабыз зыраф этиб азыкъиы,
Эсге салмай бир ач болгъан джазыкъны.

Ойрасы:
Хей, тойгъанла, джау кекире кюлгенле!
Орта Азияда ачдан ёлгенле,
Сизге къарнаш, эгеч тюлмю эдиле?!

Гюнах, сууаб — деб салмайбыз чырт эсге,
Эсгертгенни санаучанбыз биз терсге.
Ашын, сууун эсеблеген — дайым халкъ!
Зыраф этген — малгъа джууукъ, болур талкъ!

Ойрасы.

Сёзюм ётмесин кишини бурнуна,
Ашны зыраф этмей, аны орнуна,
Элибизге биз бир межгит ишлесек,
Туудукълагъа къаллыкъ эди биз ёлсек!

Ойрасы.

1987 дж.