Душманны огъундан ёлмезге джазыуум буюргъанды,
Ёлюмню хорладынг деб, юйге ийдиле солургъа...
Джыйылгъан джамагъат тепсини джанында уюгъанды,
Эшитген хапарым— тутдургъанча сохта сокъургъа.

«...Къойсагъыз а мени, мен сизсиз да тамам арыгъанма!
Джангызлай чыгъайым Бойнагъым джукълагъан талагъа...»
Къабырдан гюллени да джыйыб къойнума, атланама,
Джангызлай атланама тангда Къарачай шахаргъа».

Бек билеме анда, бир келсе деб, киши да сакъламайд,
Ышаннган тенгими юйюне алгъышха кирейим,
Айтайым джюрекден ышарыб; алгъышлайма, борч еалма...
Гюллени мюйюшде гинасыу иасыбха берейим.

Сау джылны ашыгъыб, тёрт кюннге кечигиб джеталгъанма,
Къозугъанча мени ауазын чыгъарады къобуз.
Гюллени да бериб, ашыгъыш ызыма атланама,
Къарачай шахаргъа манга джол ёмюрге болуб буз.

1978 дж.