Кюн да бата, аяз бёле джукъусун,
Онгсунмайын булут эснеб, керилди,
Аз къызылдым кнрнуюнде булутну
Джангы айны алтын тиши кёрюндю.

Ойрасы:
Хей, тау элим, сау-эсен
Хур ингирге джетдинг сен!
Алгъышым джетсин санга—
Сау-эсен чыкъ хур тангнга!

Ханс ийисли тылпыулары тёгюле
Аязчыкъгъа, ёкюрелле тууарла,
Къобан белляу айтхан шошлукъ сёгюле,
Минг тамакъдан ёкюрелле къаяла.

Ойрасы.

Джулдузлача джашнайдыла чыракъла,
Эжиу чыгъыд Джарыкълыкъ юй табадан,
Омар джырлайд, джыры ташны къучакълайд,
Джырда Джуртха къайтхан къартча азабдан.

Ойрасы.

1979 дж.