Сорууума джууаб бермей суратынг,
Юйден чыкъдым, джууаб излеб кесиме.
Кёз аллымда кетиб баргъан сыфатынг,
Кел — деб, мени чакъырады кееине.

Ойрасы:
Бир джауады джашил джангур,
Бир джауады сары джангур,
Бир джауады къызыл джангур.
Терезенги джууад джангур —
Мутхуз джангур. Сюелеме,
(Светофорну тюбюндеме)
Былайчыгъы болад себеб,
Келсем джашлыгъымы излеб.

Тиедиле суу тамчыла бетиме,
Тамадыла эниш тута джолларын,
Саркъадыла асыу бола этиме,
Сылагъанча сени ингил къолларынг.

Ойрасы.

Сыфатынг а терезеден чакъырад,
Кёзбау оюн кёрюнмейин меннге зор,
Мен атларгъа тебрегенлей, осагъат
Сен тас болуб, къызыл джанад светофор.

Ойрасы.

1985 дж.