Сеннге бара мен аджашсам,
Акъ тубанда сокъур болмам.
Чыгъа барыб, джолсуз къалсам,
Къая ранда бегиб къал мам.
Уча барыб, мийик кёкден
Джерге кетсем, къалтырамам.
Джюзе барыб, мен тебрелсем
Терк толкъунда да тунчукъмам.
От къуршоугъа тюшсем да мен,
Тёзюб, кюйюб къалмам.

Насыб джолдан мени тыяр
Бу дунияда джокъду бир зат!
Боллукъ эдим насыбсыз зар,
Сюймекликден болсам азат.
Сюймеклигин борчха берген
Къыйынлыды, джазыкъды ол!
Бек сюйгеннге къучакъ керген,
Чакъырады сюймеклик джол,
Чакъырады, булгъайды къол,
Кел—деб сюймеклик джол.

1975 дж.