Тенглерим да, мен да тюлбюз
Аслам джашаучу бёлекден...
Джашаялмасакъ да тюб-тюз,
Биз джашауну къыл элекден
Чыгъаралсакъ деб, кюрещдик,
Кюлкюлюк да болдукъ бирде,
Кюлгенле бла биз ёчешдик...
Биз — тёбенде, ала — тёрде.

Азмы същды джюрегибиз?!
Азмы кетди саулугъубуз?!
Халкъыбызгъа терслигибиз,
Башха халкъгъа джаулугъубуз
Болмагъаилай, халкъыбызны
Душманлары атыбызны
Аман атха чыгъардыла,
Джюрегибиз™ джардъша.

«Эки юлюш эт да халкъны,
Бардыр сора патчахлыкъны» —
Деучюле алай этдиле,
Муратларына джетдиле, —
Намысларын атханлагъа,
Мшшетлерин сатханлагъа
Бердиле да «уллу багъа»,
Чыгъардъша ал сафлагъа.

Джашау деген алай болур?
«Эртде чабхан, эртде солур...» —
Деучен эди Anna хариб...
Мен да башлагъанма арыб.
Ким биледи, джашчыкъ, бир кюн,
Тенгим келсе кийиб бёркюн,
«Да джандетли болсун джаны...» —
Деген сёзюн эшитсенг аны...

Кёрюнме анга да онгсуз,
Джигит эрча, джыламукъсуз
Сен алырса къайгъы сёзюн,
Джыламугъу эки кёзюн
Джуумаз кибик, сеннге къараб,
Джюрегине артыкъ джара
Тюшюрмезча, таб сен тёзюм,
Кёл этгенча болсун сёзюнг!

Джауларым а къууанмазча,
Сен артыкъ да бек къатарса!
Онгсуз оноусуз къалмазча,
Мен джокъ кюнде, сен — атаса,
Эгечинге, къарнашынга...
Ауур джюкню ал башынга.
Болуб къалма, джашчыкъ, къуу-шуу!
Кимге соруб келед бушуу?!

Аз затымы кёб этиучю,
Мен къыйналсам, кёл этиучю,
Джокълукъну бек джашырыучу,
Кёб къонакъла ашырыучу,
Мен кёб къыйнагъан ананга,
Джашчыкъ, иги бол сен анга!
Ол джашаса, тюлсюз ёксюз,
Мен рахат джукъларма, сёзсюз...

1990 дж.