Джазгъы джангур бек джауады,
Булутланы терк сауады,
Джибийме деб, къулагъыма чыртда кириб чыкъмайды!
Джашлыгъым бла сюймеклигим
Биргемделле! Меннге уа ким
Не айталыр? Бюгюн уят джюрегими сыкъмайды!

Ойрасы:
Бек тилейме, сыйлы джангур, бошалма!
Бек тилейме, насыбымы сен алма!
Сен бошалсанг, чурум табмай, сора мен
Чыгъарыкъма салкъынлыкъны тюбюнден.

Орта шахар орамдабыз,
Сабыр атлай биз барабыз,
Ариуум бла мен салкъынлыкъны тюбюне сыйына!
Чёб болмайыкъ кёзюгюзге,
Джукъ келмесин кёлюгюзге,
Акъ иннетим бегеуюлдю ариууму сыйына!

Ойрасы.

1976 дж.