Нарат чегет. Кёбдю терек — тул-тубан.
Ортасында ёсюб келген назладан
Бир бёлекчик, бир джерчикге джыйылыб,
Аджашыргъа къоркъгъан кибик, къысылыб
Бир-бирине, сёлешелле ишекли,
Тёгерекге къарайдыла сескекли.

Чегет таба джел да атад мыллыгын,
«Бузама!» — деб ол чегетни тынчлыгъын.
Наратла уа имбашларын тирейле,
Ачы джелни бир джанына силдейле.
Не джашырыу, назчыкълагъа джел урмайд,
Булчукъларын дюрген кючю сындырмайд.

Наратла уа махтаналла назлагъа:
«Бизбиз сизни къошхан джарыкъ дуниягъа!»
Джел да тохтаб, кюн тийсе уа чегетге,
Кюи тиймейди бир деб бир наз терекге.
Не къыйынлыкъ, не зауукълукъ кёрмеген,
Джашаумуду, олмуд саудан ёлмеген?

1981 дж.