Мен, къууутну айран къошмай джутханча,
Керекмеми сёзлеринги джутаргъа?
Джалан къол бла шхылдыдан тутханча,
Керекмеми этегингден тутаргъа?

Джалан аякъ кёсеуледе баргъанча,
Керекмеми ызынгдан а барыргъа?
Къурч балта бла кюрюч агъачны джаргъанча,
Керекмеми кюрюч халинги джарыргъа?

Кееиме да зарауатлыкъ джетдириб,
Кюч бла санга айтханымы этдириб,
Такъыйкъагъа мен насыбдан толайым,
Кёблюк кёзде насыблыча болайым...

Да, олмуду, адамма — деб джашагъан —
Кесин алдаб — насыблыгъа ушагъан?!
Андан эсе, мен алгъынча турайым,
Сыфатынга эсимде баш урайым,

Сен — насыбсыз насыбым — деб турайым.

1991 дж.