Бир иесиз къалгъан чыпчыкъ уяны
Къачхы аяз боз къолу бла тинтиуюл
Этгенча, бир тюш кёрдюм да, уяныб,
Эки кёзюм болду эки бегеуюл.

Кёб сакъладым, ахырында танг тёртгюл,
Таблы бетин терезеден къаратды.
Терезени тапхасында чакъгъан гюл,
СЕННГЕ ушаб, джюрегими таралтды.

Бу сагъатда болур анда кюн орта?
Сабийле уа джукълайдыла ишексиз.
Тынгы табмай, юй джумуш бла кёб джорта,
Къыйнаймыса сен кесинги керексиз?

Шо, нени да къой да, ол юч баланы
Къатларына акъырынчыкъ бар да сен,
Тылпыуларындан бир тогъу аланы
Мени ючюн. Насыблыса сен менден...

1990 дж. Америка.