Суу юсюнде кёмюк кибик кёзбау дуиияны
Бек сюеме! Сюймеген а болурму аиы?
Чаба-джорта, юй-кюн бола башласанг маджал,
Тамам джашар кёзюуюнгде къадалад аджал.

Ийнанмайма, замансызлай кетерме деб мен,
«Онгсузланы» бир кюн мыдах этерме деб мен.
Ой, бир мурат барды менде аслам джашаргъа,
Джыр-пайгъамбар — закий Иемаилгъа ушаргъа!

Хей, бир мурат барды, ол кюннге сау тюберге —
Алан халкъым кърал болгъан кюн тойда тепсерге,
Бойсунмагъан, талгъан санларымы хорларгъа,
Тепсей келиб, тамам арыб, джырла джырларгъа.

Туудукъланы алларында айыбдан чыгъыб,
Джашауну да эскинича тамам бек сыгъыб,
Минг джыр джазыб, миллетиме къоюб ёмюрге,
Муратлыма ёлсем джангыз алай ёлюрге.

Ариуум бла меннге бирер джюз джыл да толуб,
Сыфатыбыз, кючюбюз да бюпонча болуб,
Кюн да тие, полден толу Къобан бойнунда
Ёлсем, ёлдюм демез эдим Аны къойнунда.

1986 дж.