Хей, Молдова, кёб зорлукъну отунда
Кюйген тинни «джюзюм суу»¹«Джюзюм суу» — чагъыр (автор). бла джукълата,
Ол да джукъну эсгермезча джукълата,
Джуртсузлукъну сынагъанса Джуртунгда!

Эсге тюшед Досифейни²Досифей — Дософтей (1624— 1693), Молдовону митрополити, молдаван кулътураны айнытыугъа уллу юлюш къошханды. айтханы:
«Бизге джарыкъ келеди, — деб, — Москвадан»,
Шагъатмыды Нистру³Нистру — Днестр сууну молдаванча аты. сууну сол джаны,
Ол айтханнга, кёб джыл озуб арадан?!

Не болса да, баш эркинлик алдынг сен,
Зорлукъ кючлеб тургъан джагъанг къошулсун!
Джерде онглу миллетлеге тенг бол сен!
Хар онгсуз халкъ сенлей азат да болсун!..

Азат джолунг — Нистру сууну саркъууу,
Ауузунда — къууанч «Жокну»⁴Жок — молдаван халкъ тепсеу. тартыуу,
Ушамасын ол ёмюрде тенгсизге!
Саркъсын ООН деген уллу тенгизге!

1992 дж.