Кенг джюрегинг тынчлыкъ бермей джанынга,
Къара кюнде кёчюб келген кёб джаннга
Ышакъ болдунг, ол джомакъды инеаннга,
Къыйынлыкъны кеси сынамагъаннга.

Чынг биринчи, адам сени джерингден
Чегимсизге чыкъгъанлыкъгъа, къадарынг
Мутхуз эди, азатлыгъынг болмай, сен
Себеб излеб, кёкге азмы къарадынг?

Бюгюн толуб муратлары Абайны¹Абай — Абай Кунанбаев (1845—1904) къазах джазыу адабиятны тамалын салгъан, джазыучу эмда композитор болгъанды.,
Туудукълары джаза джангы джырланы,
Женъшен тизгинлери «Топракъ китабны»²«Топуракъ китаб» — «Глиняная книга», Олжас Сулейменовну чы гъармасы.,
Джаш этелле бушуу басхан къартланы!

Абайынга, Джамбулунга³Джамбул — Джамбул Джабаев (1846— 1945) къазах назмучу — акъын., Мусанга⁴Мусанга — (Жаяу Муса) къазах акъын.,
Чоканынга⁵Чокан — Валиханов Чокан Чингисович (1835— 1865), къазах окъуу — билим джайыучу, демократ , джер-суу кёрюб айланыучу, этнограф, фолъклорчу, тарихчи, суратчы, Олжасынга⁶Олжас — Сулейменов Олжас Омарович (1936), къазах миллетни закий назмучусу, тарихчиси., башханга...
Айналайын! — дейме, таза кёлден мен,
Азат — болгъан, туугъан джерим, джашна сен!

1992 дж.